一個故事

(給討論皇后拆去﹑重置或保留的朋友)


故事背景﹕

皇后碼頭是香港首個由人民爭取回來的公民空間﹐普羅大眾一直可以來吹風吹水吹乜都得。
日後﹐中環填海的填海位置會有商場摩地大廈﹑車路﹐海旁則會成為高度設防的解放軍用地﹐香港亦失去原有地標。

人物﹕陳大文﹐今年57歲﹐半失業人士

故事﹕
高聳入雲的摩地大廈﹐外牆閃閃爍﹐與IFC﹑中銀銀行等大廈一同創造屏風效應﹐協助陽光來回折射﹐50年後﹐香港再無冬天。大廈內望出去的sea view好正﹐還有西九的歌劇院﹐吸引海外銀行家﹑內地優才來港﹐嘩﹐國際大都會﹐可以打低上海﹑紐約喇﹗

中環區的OL可以去商場內的連鎖式餐廳如大家樂﹑KFC﹑麥當奴食lunch﹐限時1粒鐘﹐那段時間餐廳需要半職洗碗工人﹐人工$2500(本港不設最低工資) ﹐本來住在灣仔唐樓的陳大文﹐每日近近地搭電車返工﹐生活尚算可以。

後來他的家因舊區重建被拆去﹐利東街友好街坊四散﹐他搬往屯門居住﹐新屋村的商場是領匯的天下﹐連鎖店的天下。而因為他半職﹐獲得政府施捨的交通津貼﹐(「唔係政府唔趕我走﹐我洗咩你施捨呀﹐頂﹗」)放工後﹐他喜歡放工後到皇后與棋友下棋﹐那是他人生一大娛樂。

他有一個兒子﹐陳小文﹐剛副學士畢業。他成日聽張X常等大學講師話「努力點喇﹐你要以成為摩根士史丹利總裁為目標﹐經濟係香港命脈﹐發達先有出路。你想係舊區做創意工業﹖種有機菜﹖搞社會企業﹖徙氣呀後生仔。」

可是﹐他去到中環﹐發現個個總裁﹑高層唔係講英文﹐就係普通話﹐「300萬內地移民來齊喇﹖」陳小文冒汗。後來他發了100封求職信﹐銀行工找不到﹐找到一份艙務員工作﹐6000元﹐算係咁﹐唔洗雙失。放工後﹐他覺得去皇后吹海風﹐同班friend吹水然後搭天星小輪好開心﹐陳小文還喜歡攝影﹐「我欣賞舊天星的美學設計﹐唔似新天星﹐係假古董﹐成個迪士尼咁。」

怎了﹐今天皇后要搬走了﹐大文﹑小文不禁怒吼﹐「點解你搶走我地的東西﹖」

Donald回應﹐「因為我明益地產發展商﹐兼且能去殖民化。而且賣地會增加政府收入﹐等於搞好經濟﹐即係香港好﹐人人就會話我好﹐我好囉﹐就可以繼續做好份工。況且規劃10年前定落﹐你地反對太遲喇﹗

(註﹕政府的土地規劃流程中，每有新規劃項目推出，都會在該區張貼憲章宣布細節。市民可在3個星期內向城規會提出意見，隨後亦可出席聽證會提出反對，除此，流程上再無任何公眾諮詢。)